Fwn couh yaek daengz.

Meuz swiq naj,

Liengj deq caj.

Yiuh mbin hemq gyangmbwn,

Seih lwnh naeuz yaek rengx;

Duz de naengh daeuj hemq,

Nyimh(baenzlawz) rengx goj miz fwn .

Meuz naengh cingq cikranz,

Ndi nanz fwn couh doek.

Byanouq youz hwnjroengz,

Fwnnaek daengz rwed haeux.

Ma ok haex gyang loh,

Mbouj nanz goj miz fwn;

Moed gvaq loh gungun,

Naeuz miz fwn dahraix.

Feiz lag laj daej rek,

Cib miz bet roengz fwn;

Feiz lag saeuq bangxhaenz,

Couh fan rumz seizneix.

Raen duzmeuz gaet rum,

Seiz dem fwn couh daeuj.

Mboenj gyu ok raemx,

Fwn naemq yaek daengz.

Daeh ien cumx,

Fwn hung daeuj.